ثوب الخادمة
كتبهاد محمد عباس ، في 15 أبريل 2009 الساعة: 19:56 م
ام الخير زوجة مخاصة لزوجها —-موظفة حكوميه— تقوم فى الصباح الباكر كأى موظفه قبل زوجها تعد طعام الافطار لاولادها وزوجها– بل قبل ذلك تتولى هى مهمة ايقاظ النائمين—قوم يا ابو الخير خلاص الشمس طلعت– قوم يا خويا قبل الشمس ماتطلع—
ويتثاءب ابو الخير ويقول طيب يا وليه لسه بدرى — حاضر حاضر– وتتجه ام الخير لايقاظ باقى الاولاد-** بسرعه يا حبايبى البيض عالنار قوموا بسرعه عشان تفطرو ا قبل المدرسة*** وتقف ام الخير فى المطبخ تصب الشاى وتعد الافطار ريثما يقوم الجميع من نومه****تلبسهم وتؤكلهم وتسرح شعورهم ومن الليل اعدت لهم ملابسهم المكويه وجهزت حقائبهم واعدت ساندوتشات الجبنه والبيض فى عيش كايزر من أبو الاربعه بجنيه *** حشت ام الخير شنط الاولاد بسندوتشاتهم التى يرجعون بنصفها *** فيحمل كل واحد شنطته بها كتبه وكراساته وسندوتشاته ** يحملونها على ظهورهم كباعة القماش الجائلين *** من ناحية يطالبهم المدرسون بحمل كل الكتب والسكتشات والكراسات ** وتطالبهم ام الخير بحمل سندوتشاتهم فى حقائبهم فتراهم وهم نازلين المنزل كافراد الكشافه
وتعود ام الخير من عملها الحكومى بعد الظهر وتصر على اعداد الطعام طازج( مش متحضر قبلها بيوم) رغم ان ابو الخير يشفق عليها ويقول لها ياستى حضرى أكل بكرة من النهارده وهى تقول هو الاكل له معنى الا انه يتجهز فى وقته—- وطبعا ياتى الاولاد وهم يتضورورن من الجوع بعد 8 حصص فى المدرسه — بسرعه ياماما عايز اروح المجموعه باقى نص ساعه بس— حاضر يا ابنى اصبر شويه— وتقول الاخرى درس الانجليزى الساعه اربعه يا ماما— خلاص يا ولاد قربت اخلص اهه— وياتى الولد الكبير ياااااه طابخين سمك – طب والله ما انا واكل— ويرد ابو الخير ان شا الله ما كلت—انته يابنى بتأكلنا؟!— خلاص انا ماشى— بالسلامه روح شوف لك دار تانيه تغديك— (حاجه تقرف ) هكذا يقول ابو الخير—ويضيف هلاقيها منك ولا من امك— عمرى ما اشوفها الا فى المطبخ— ظنت ام الخير انه يناديها فصاحت (عايز حاجه يا بو الخير؟.)
قال لها لا ابدا انا بكح بس
جت لى كحه خفيفه— كده طيب يا خويا بعد المغرب قوم روح للدكتور خشبه جنب مننا— قال ابو الخير ( دكتور ايه يا وليه احنا بتوع دكاتره برضه — انتى عايزه الماهيه بتاعة الشهر تروح فى يوم؟ مش كفايه العيال وبلاويها ثم ايه دا اللى انتى لابساه؟؟ لابسه قرطه على دماغك؟ ليه هو انتى عيانه ولا قايمه من النوم؟ قالت ام الخير بقولك ايه مش كفايه عشر سنين جواز معاك قاعده من غير رابطه على دماغى كفايه عليك كده اوى— صدعتنى انته وولادك منكم لله —ألاقييها من مين ولا من مين ياربى؟—( قال قرطة قال) ومش عجباك القرطه الى حطاها على راسى فى ايه يا بو الخير؟؟
قال ابو الخير—يا ستى فضيها سيره وحطى الغدا عصافير بطن العيال بتصوصو
وبعدين يا ستى انا عايزك تتقمصى دور الزوجة شويه وبلاش القرطة الله يخليك دا بيحسسنى انى متجوز خدامه
وهنا قامت الدنيا ولم تقعد
قالت ام الخير ويكاد الغيظ يفتت كبدها — بعد العمر ده كله تقول عنى خدامه؟؟؟ مش تحمد ربنا ان هدومك مغسوله و؟أكلتك نضيفه وبيتك مترتب على احسن ما يكون—- قال ابو الخير يا ستى كل ده كويس بس ان نفسى فى يوم واحد بس فى الاسبوع تنزعى عنك ثوب الخادمه وتتقمصى دور الزوجة شويه——-
يعنى ايه يا بو الخير عايز يا خويا البيت يعفن ولا انا معتش عجباك خلاص ولا واخدها حجه عشان تبص لدى ودى —- يا ستى ولا حجه ولا حاجه نفسى فى يوم ارجع من الشغل الاقى مراتى حبيبتى مستنيانى مغديه العيال ولابسه كويس وحطه بارفان
ومبخره البيت
عايز احس انى متجوز واحده ست مش خدامه— كمان يا ام الخير عمل المرأه مش مبرر– انتى مش بتشوفى الافلام والمسلسلات – عمرك شفتى واحده قايمه من النوم معمصة او لابسه قرطه؟؟ يعنى هما لهم رجاله واحنا مش رجاله يا ام الخير؟؟
قالت ام الخير وبعصبية شديده بقولك ايه حاكم زى ما انته موظف انا موظفه يا خويا هات ايدك بايدى فى شغل البيت قوم شغل الغساله— وبعد الاكل اغسل المواعين —على ما انا أكنس الشقه بالمكنسه الكهربائيه وهات ايدك بايدى هتلاقى البيت نضف بسرعه وهتلاقينى يا خويا قاعده مستنياك ومتشيكه—- قال ابو الخير طيب يا وليه وشغلى الى هيبدأ بعد العصر لحد الساعه عشره بالليل اعمل فيه ايه؟ قالت خلاص ما تلومنيش بقه لو لقيتنى لابسه لبس الخدامه على طول—– سحب ابو الخير ناعم وقال لا حول ولا قوة الا بالله
يا ربى العيب على مين هكذا يتساءل ابو الخير ومتى تتخلى زوجته ام الخير عن ارتداء لبس الخادمه؟
ـــــــــــــــــــــــــــــــــــــــــــــــــــــــــ
التصنيفات : مقالات | أرسل الإدراج | دوّن الإدراج
أبريل 15th, 2009 at 15 أبريل 2009 8:16 م
استاذ محمد عباس
اضحك الله سنك
والله انا قريتها كلها باستمتاع
عارف العيب على مين
على الظروف الصعبة على بلدنا وحكوماتنا اللي جوعتنا
ابو الخير مسكين نفسه مراته تفوقله شويه
وهيا مسكينة هاتجيب قدرة ووقت منين لكل اللي مطلوب منها من مهام
موظفة وبتشتغل
وبتطبخ وبتكوي وبتغسل وبتصحي وبتربي..
وهوا بني ادم كويس بس هايجيب وقت منين عشان يساعدها اذا كان بيشتغل شغلتين
لقمة العيش طحنت الاتنين
هوا مسكين وهيا اكتر منه
ياريت تزورني في كركر
تحياتي
أبريل 16th, 2009 at 16 أبريل 2009 9:00 ص
دكتور محمد صباح الخير
فعلا العيب على مين!!
سؤال محير كالسؤال التقليدي مين إجى أول الدجاجة ام البيضة!!
اظنها كما قال اخي بالتعليق الذي بالاعلى الحق على الظروف التي تمنع المرأةأن تعيش انوثتها وتستمتع في عشها الزوجي كما هو مفروض المرأة من طبيعتها تحب الراحة والدلال والمجوهرات والملابس الفاخرة وان يكون هناك من يخدمها لكن الظروف اقوى من كل رغباتها تجدها تتنازل عن كل ما تحبه لترتدي ثوب الخادمة كي تسعد من حولها..
أبريل 16th, 2009 at 16 أبريل 2009 11:11 ص
مساء الخير يادكتور
انا قرايتها باستمتاع
المطلوب من المراة ان تكون فى كل وقت جميلة وتظهير زينتها
ومش دائما القرطة وهو ايضا يتفرغ بعض الوقت فى البيت مع زوجته والاولاد مش بس فى تناول الغذاء
ويحاولوا يسرقوا من اليوم وقت جميل يقضوا مع بعض ممكن من خلال
مشاهدة التلفاز
للازم أبو الخير يقدير مهام أم الخير
ونرجو من حضرتك المزيد
تحياتى
أبريل 17th, 2009 at 17 أبريل 2009 12:03 م
السلام عليكم
شكرا موضوع جميل و معاصر
فعلا الدنيا كدا
الواحد بيتجوز عشان يخلف كتير عشان يشغلهم و يكسب و يعيش
مفيش حد عايش مرتاح